एम.ए. (पत्रकारिता आणि जनसंवाद), एम.ए. (शिक्षणशास्त्र), एम.ए. (डॉ. आंबेडकर विचारधारा) बी.एड./डी.एड. आदिवासी आश्रमशाळेत माध्यमिक शिक्षक म्हणून कार्यरत. गेल्या १७ वर्षापासून नंदूरबार जिल्ह्यात पत्रकारिता. ‘दैनिक गांवकरी’ आणि ‘दैनिक पुण्यनगरी’ या वृत्तपत्रांमधून पत्रकारितेस प्रारंभ आणि १५ वर्षांपासून दैनिक लोकमत या वृत्तपत्र समूहामध्ये तळोदा (जि. नंदुरबार) तालुका प्रतिनिधी. पत्रकारिता क्षेत्रात विविध विषयांवर लिखाणाचा व संपादनाच्या कामाचा अनुभव. नंदुरबार जिल्हातील आदिवासी बांधवांचे प्रश्न, विस्थापितांच्या समस्या,स्थानिक सामाजिक चळवळी,राजकीय घडामोडींचे विश्लेषण आणि अन्य अनेक प्रश्नांवर लिखाण करतात. गेल्या १५ वर्षांपासून महाराष्ट्र अंधश्रद्धा निर्मूलन समितीत सक्रिय सहभाग. नंदुरबार जिल्ह्यातील डाकीण प्रश्नावर काम करत असून अनेक प्रकरणांचा पाठपुरावा केला आहे. जादूटोणा विरोधी कायदाचे वक्ते आणि प्रशिक्षक. पत्रकारिता क्षेत्राबद्दल कृष्णराव चिमणराव कोठावदे पाटील पत्रकारिता पुरस्कार आणि युवक मित्र पत्रकारिता पुरस्काराने सन्मानित.